НФЛ тимот Вашингтон го исфрли „Редскинс“ од своето име

НФЛ тимот Вашингтон официјално го промени името на франшизата, односно го исфрли од употреба спорното име Редскинс.

Антирасистичките демонстрации во САД ги активираа главните спонзори на Вашингтон, по што тие побараа реакција од клубот и реализација на одамна најавената промена на името, кое делува навредливо кон индијанските домородци на американска територија.

Компании како „Федекс“ и „Пепси“ се заканија дека можат да се повлечат од спонзорирањето ако не дојде до промена пред почетокот на новата сезона.

Барем привремено, клубот во американски фудбал ќе се вика Вашингтон футбол тим, а истиот најави дека наредниов период ќе се ребрендира и ќе го исфрли од употреба досегашното име.

Интересно, во минатото и НБА тимот на Вашингтон мораше да го менува името, откако спорното име Булетс (куршуми) беше заменето со Визардс (волшебници).