Наполи избра свој идеален тим од Аргентинци, немаше место за Игуаин

Италијанскиот клуб Наполи реши да им го честита националниот празник на своите аргентински фанови, формирајќи најдобар состав од Аргентинци кој го носеле дресот на оваа екипа.

Ако очекувано Диего Марадона е најголемата ѕвезда во идеалниот аргентински тим на Наполи, (не)очекувано таму немаше место за Гонзало Игуаин.

Пипита мина три сезони во редовите на Наполи и 91 гол на 146 натпревари за составот од „Сан Паоло“, но клубот го елиминираше од изборот поради фактот што во меѓувреме се пресели во Јувентус, екипа чиј фудбалер е се уште.

Во дресот на Наполи, Игуаин постави и рекорд во Серија А со 36 голови за една сезона.

Сепак, неговото место во нападот го зазема Роберто Соса, а покрај Марадона и Езекиел Лавеци. Останатите членови на најдобрите 11 од Аргентина се Андухар, Кампањаро, Фернандез, Ајала, Пинеда, Бертони, Х.Соса и Датоло.

¡Con este equipo salimos a ganar en cualquier cancha! 🇦🇷

¡Feliz Día de la Patria para todos los argentinos! #25DeMayo #ForzaNapoliSempre 💙 pic.twitter.com/kUeFckvTNq

— Oficial SSC Napoli (@sscnapoliES) May 25, 2020