Шпанија
Најкритикуваниот играч на Барса го крена гласот: Пет години се вперува прстот кон мене, тоа е дел од циркусот!
Жорди Алба беше убедливо најкритикуваниот играч на Барселона по елиминацијата од Атлетик Билбао во Купот и беше на големо исмејуван и од фановите на клубот, но како одговор на сето ова, искусниот лев бек синоќа возврати со клучен потег во тешко извојуваната победа на каталонскиот гигант.
Барселона го победи Алавес на гостувањето во Виторија со гол на Де Јонг во 87-та минута, но акцијата ја осмисли токму левиот бек кој на извонреден начин го проигра Феран Торес кој потоа асистираше до стрелецот на погодокот.
Жорди Алба беше еден од фудбалерите на Барса кои даваа изјави за медиумите по крајот на натпреварот, но не пропушти да нагласи дека веќе со години го чувствува притисокот и прифатил да биде најоцрнуван од страна на новинарите кои се занимаваат со клубот.
– Со години наназад се чувстувам како играч кој се издвојува кога работите не одат добро, но ги прифаќам сите критики. Се чувствувам како играч кон кого се вперува прстот, но тоа е дел од овој циркус и знам дека кога имаме лош меч, ќе се покаже кон мене.
– Ми беше навистина лошо по елиминацијата во Купот, критиките секогаш се тука и морам да го прифатам тоа. Ако одиграм добро, не се зборува за мене, ако дадам две асистенции не се зборува за мене, но кога не играм добро, сите ме убиваат. Го прифаќам тоа и мора да се справам со тоа. Добро е што ме почитуваат соиграчите и луѓето од стручниот штаб. Никој не ми подарил ништо во Барселона. За жал, кај нас секогаш се виновни ветераните, изгледа како да играат само ветерани во Барселона. Веќе пет години се зборува за мене, но веќе имам 32 години и се уште имам сила. На мечот со Билбао не одиграв добро и го признавам тоа, јас знам да се носам со критиките колку и да се тешки, – порача Алба.
-
Англијапред 22 часа
Де Брујне го постигна првиот гол со глава, Сити убедлив на „Амекс“ (ВИДЕО)
-
НБАпред 13 часа
Денвер повторно ги преслуша Лејкерс, Ембид броеше до 50 во триумфот на Филаделфија
-
Лига на шампионипред 22 часа
Барселона со пеколно второ полувреме го разби ПСЖ, Веспрем во последната секунда го матираше Алборг (ВИДЕО)
-
Евролигапред 21 час
Реал на чекор до фајналфорот, Панатинаикос израмни против Макаби (ВИДЕО)
-
Англијапред 24 часа
Слот за можноста да седне на клупата на Ливерпул: Мојата одлука е јасна…
-
Шпанијапред 9 часа
„Мундо Депортиво“ објави ново видео и заклучи: Барселона е оштетена за чист гол (Видео)
-
Формула 1пред 10 часа
Голем удар за Ред Бул: Адријан Њуи најавил дека планира нов предизвик
-
Англијапред 14 часа
Гвардиола не се согласува со Клоп и Ван Дајк и одговори со различен став