„Мотоспорт“ го откри името на наследникот на Фетел во Ферари

Во текот на вчерашниот ден  беше потврдено дека германскиот пилот, Себастијан Фетел и Ферари нема да ја продолжат својата соработка.

По објавата на клубот од  Маранело веднаш се појавија шпекулации кои возачи ќе го заменат Фетел во болидот на Ферари.

Во јавноста се издвоија три имиња, и тоа Карлос Сајнц Јуниор, Даниел Рикиардо и Антони Џовинаци.

Според угледниот медиум кој се занимава со овој вид на спорт „Мотоспорт“, наследник на Фетел во Ферари ќе биде шпанскиот пилот Карлос Сајнц Јуниор.

Според медиумот Сајнц ќе потпише договор со Ферари во следните 48 часа, а истиот ќе биде со траење од две години.

25 годишниот пилот од 2019 година е во болидот на Мекларен, а со овој тим има договор до крајот на оваа сезона, па нема да има пречка за негов премин во Ферари.