Моќен тим: Бејл ја избрал најдобрата „петорка“ со поранешни соиграчи

Герет Бејл неодамна ја заврши својата професионална фудбалска кариера, во која се промовираше како голем потенцијал во Тотенхем, а најголемите успеси ги доживеа во редовите на Реал Мадрид.

Велшанецот постигна 106 гола во дресот на Реал и освои пет трофеи во Лигата на шампионите, а тоа подразбира дека покрај себе имал навистина квалитетни играчи.

Бејл бил гостин во подкастот на Рио Фердинанд и од него добил задача да формира најдобра „петорка“ во која ќе вклучи поранешни соиграчи, а која нема да содржи голман.

Крилниот напаѓач не размислувал предолго и избрал соиграчи од Реал Мадрид.

– Серхио Рамос во одбрана, Лука Модриќ како играч за врска и плејмејкер, а во нападот јас, Кристијано Роналдо и Карим Бензема, – рекол Бејл.