Миовски си постави навистина голема цел по новиот блесок во Шкотска

Бојан Миовски постигна два гола во победата која ја оствари Абердин над Килмарнок и продолжи онаму кадешто застана пред репрезентативната пауза, односно само потврди дека е откровение на сезеоната во Шкотска.

Македонскиот репрезентативец стигна до седмиот гол во Премиер лигата на Шкотска и има само еден помалку од првиот стрелец Чолак од Ренџерс, но амбициите на Миовски се многу високи и тој си постави цел да бидие најдобар голгетер на крајот од сезоната.

– Моја цел е да бидам најдобар стрелец во лигата на крајот од сезоната. Секој напаѓач сонува за тоа. Кога останатите напаѓачи постигнуваат голови, тие ме тераат да играм подобро.

– Кога гледам дека напаѓачите од другите тимови постигнуваат голови, тие ме притискаат и прават да постигнувам уште повеќе. Пред да дојдам во Абердин, ми презентираа дека се игра напаѓачки фудбал и тоа за мене е перфектно. Знаев дека ќе постигнувам многу голови уште кога пристигнав тука.

– Овој стил на игра ми одговара многу повеќе од оној во претходниот тим и уживам на теренот. Беше убаво што се вратив со два гола, но можев да постигнам повеќе. Сакав да постигнам хет-трик, но патував многу со репрезентацијата измиантите денови и беше перфектно што одиграв 65 минути. Не сакам да ризикуваме со можна повреда, – вели Миовски.