Матеус: Нојер веќе не е прифатлив како капитен на Баерн!

Мануел Нојер во изминатиов период доста е актуелен во Баерн Минхен, а причината за тоа се неговите потези кои дефинитивно го разлутија раководството на клубот и навивачите на оваа екипа.

Искусниот голман мораше предвеме да ја заврши оваа сезона откако заработи потешка повреда за време на одморот при скијање за да пред неколку денови бурно реагира откако клубот реши да се раздели со долгогодишниот тренер на голманите, Тони Тапаловиќ.

Сето ова донесе лавина критики за Нојер од сите страни, па легендарниот Лотар Матеус отиде дотаму и порача дека тој повеќе не смее да биде капитен на баварците.

-Нојер веќе не е прифатлив како капетан на Баерн! Тој се скијаше невнимателно и сега дава неовластено интервју во кое жестоко го напаѓа клубот. Зарем не рече пред неколку недели дека никој не е над клубот? И сега ова.

-Она што многу ми пречи во интервјуто на Мануел е претераниот избор на зборови. Неговото срце беше откорнато. Со сето разбирање: никој не почина, ниту едно дете не е сериозно болно, тоа е раздвојување со вработен со кого беше многу близок, -порача Матеус за „Скај Дојчланд“.

Нојер со жестоко интервју го нападна Баерн: Ми го откорнаа срцето, не сум доживеал нешто побрутално!