Манасков и Веспрем триумфираа во финалето на унгарскиот куп

Веспрем го доби големото унгарско дерби со Пик Сегед (28:26), во финалето на националниот ракометен куп, по што Дејан Манасков и неговите соиграчи освоија нов трофеј во домашните натпреварувања.

Двете најдобри екипи очекувано се сретнаа во дуелот за трофеј, а Веспрем го доби првиот дел со 14:12, по што истата предност ја задржа до крајот на средбата и по 28. пат стигна до куп титулата.

Манасков постигнал 2 гола во дресот на Веспрем, за кого најефикасни биле Јахија со 6, односно Ненадиќ и Мораеш со по 5 погодоци.

Радивојевиќ со 6 голови бил најефикасен во редовите на Пик Сегед, но неговиот тим постојано беше во негатива и не успеа да се приближи до израмнување во дуелот со Веспрем.

Веспрем до финалето стигна по убедливата победа над Балатонфуреди, екипата која во битката за третото место славеше дури на пенали.