Македонија падна две места на ранг листата на ЕХФ (ФОТО)

Македонија или поточно македонскиот машки клупски ракомет падна две места на најновата ранг-листа на Европската ракометна федерација (ЕХФ).

Поради послабите резултати на нашите клубови во Европа ние од третата се лизнавме не петтата позиција, односно пред нас излегоа Шпанија и Унгарија. Меѓутоа и покрај ваквиот епилог ние останува со четири клубови во Европа за сезоната 2021/2022, поточно добиваме едно место во Лигата на шампионите и три во новоформираната Лига Европа.

Ранкингот за натпреварувачката 2021/2022 година е направен врз основа на резултатите во претходните три кампања 2017/2018, 2018/2019 и 2019/2020 со тоа што поени ќе се впишат и по одигрувањето на завршниот фајналфор турнир кој е закажан за во месец декември.