Ландин полета на натпреварот со Јапонија и ја оствари најдобрата одбрана на Мундијалот (Видео)

Никлас Ландин важи за еден од најдобрите, ако не и најдобар светски ракометен голман во овој момент.

Данскиот чувар на мрежата и на Светското првенство во Египет покажува дека станува збор за извонреден чувар на мрежата, а последната негова одбрана од натпреварот со Јапонија веднаш ги обиколи социјалните мрежи.

Данска беше во напад и играше без голман, а кога во офанзивата нешто не функционираше голманот на Јапонија се обиде од гол на гол да ја затресе празната мрежа. Сепак, од никаде се појави Ландин кој буквално полета и успеа да го скроти ударот на неговиот колега од спротивната страна.

Ова дефинитивно беше одбрана на колото, а со сигурност ќе влезе и во потесна конкуренција за одбрана на целиот шампионат. На крајот, Ландин средбата ја заврши со 12 интервенции зад своето име.

🇩🇰 Niklas. Landin. Jacobsen. 🇩🇰

🤯 𝗨 𝗡 𝗕 𝗘 𝗟 𝗜 𝗘 𝗩 𝗔 𝗕 𝗟 𝗘 🤯@Niklas_Landin | @dhf_haandbold #Håndbold | #GODenmark | #Egypt2021 pic.twitter.com/tne8M6owNl

— Handball Egypt2021 (@Egypt2021EN) January 23, 2021