Куман смета дека Гакпо избрзал со трансферот во Ливерпул

Роналд Куман смета дека неговиот сонародник Коди Гакпо избрзал со трансферот во Премиер лигата и сега ја плаќа цената за својот потег.

Гакпо имаше одличен настап на СП во Катар и веднаш потоа потпиша за Ливерпул, но се вклопи во сивилото на „црвените“ кои имаат слаба сезона во Премиер лигата.

Куман вели дека Гакпо требало да почека за трансфер во посилна лига.

– Гакпо се пресели во екипа на која не и оди најдобро сезонава.

– Навистина е тешко, посебно за млад фудбалер, ако не постигнуваш голови и ако твојот тим не победува. Ќе беше поинаку ако беше малку повозрасен и поискусен.

– За младите играчи адаптацијата е тешка, посебно што Премиер лигата е на многу повисоко ниво од холандската лига. Она што му се случува на Гакпо, му се случи и на Гравенберх кој има мала минутажа во Баерн Минхен. За млади фудбалери тоа е тешка ситуација, – изјавил Куман.