Куман горд на Меси: Ова се работи на голем играч!

Барселона славеше над Осасуна со 4-0, а средбата ја одбележа Лионел Меси со одличниот погодок во вториот дел кој му го посвети на неговиот сонародник Диего Армандо Марадона кој пред неколку денови неочекувано почина во Буенос Аирес.

Меси го соблече дресот на каталонците, а под него имаше друг, оној на Њуелс Олд Бојс за кого Диего настапуваше кон крајот на кариерата. Тренерот Роналдо Куман беше горд поради потегот на капитенот, но и гестот кој го направи со што му оддаде почит на човекот кого многу го почитуваше и сакаше.

Барселона ќе мора да плати 3000 евра за славјето на Меси (ВИДЕО)

-Ова се работи на голем играч: прво поради играта и голот и второ поради гестот кон Марадона. Тоа беше навистина одлично во секоја смисла. Не знаев дека Лео ќе ја направи таа прослава ,-истакна Куман.