Костески е најдобар стрелец во Чешка (ФОТО)

Македонскиот интернационалец, Никола Костески е во феноменална форма на почетокот на новата сезона во Чешка каде го носи дресот на Талент Плзен.

Костески од оваа кампања настапува за Плзен каде уште во првите недели покажа дека ќе биде извонредно засилување.

Десното крило во досегашните четири кола во шампионатот успеа да даде 32 погодоци што значи во просек по осум пати го матира противниците. Неговата најдобар партија беше против Фридек-Мистек кога имаше нестварни 17 погодоци.

Тој со овој учинок е најдобар стрелец во шампионатот, односно има плус четири во однос на најблискиот ривал Јакуб Флајсар од ТЈ Сокол Нове Весели.

Наредниот меч за Никола и другарите е против Дукла Прага на 24 септември.