Кошаркарите на прв тренинг во „Саку Сурхал“ во Талин

Кошаркарската репрезентација на Македонија го одработи првиот тренинг во Талин во Саку Сурхал“ Арената во која на 28 и 30 ноември ќе ги одмериме силите со Италија и Естонија во рамките на квалификациите за Европското првенство.

Ова беше прв заеднички тренинг на екипата, поточно заедно со капитенот Војдан Стојановски и новото засилување Џејкоб Вајли кои подоцна му се приклучија на националниот тим поради клупски обврски. На тренингот освен репрезентативците, стручниот штаб присутни беа претседателот Перо Антиќ и генералниот секретар на нашата федерација Владимир Георгиевски, но и турскиот стручњак за физичка подготовка Ерен Хангун.

Хангун во наредните денови ќе биде заедно со репрезентацијата и ќе ја одржува кондицијата на играчите пред важните битки со Италијанците и Естонците.