Јовиќ: Имаме јасна цел и визија, со уште две засилувања ќе имаме одлична екипа за новата сезона

Екипата на Еурофарм Пелистер означи старт на подготовките за новата сезона во која клубот ќе има предизвици на домашната сцена, а по подолга пауза и во Лигата на шампионите.

Шампионот Пелистер означи старт на подготовките, екипата утре заминува за Маврово

Ова значи дека тимот мора да биде максимално подготвен, да има квалитетни играчи на секоја позиција бидејќи се повеќе од потребни за да можат „зелено белите“ се претстават во најдобро светло.

„Фармацевите“ ангажираа неколку засилувања и тоа Урош Борзаш (Елверум), Нејц Цехте (ГОГ Гудме), Андреас Јохан Нилсен (Морс), Павле Петровиќ и Емилијан Ѓорговски (Еурофарм Пелистер 2), а тренерот Александар Јовиќ сака уште едно до две имиња за да се биде идеално.

-Сигурен сум дека ќе направиме сè за достојно да го претставиме нашиот клуб и нашиот град во Лигата на шампионите, а покрај тоа и да ги оствариме зацртаните цели во домашниот шампионат и Купот на Македонија. Нашата визија и цел е да направиме спој од македонски квалитетни млади ракометари дополнително со странски играчи. Не сакаме да имаме преголем број на ракометари во ростерот, мислам дека со уште едно до две засилувања ќе направиме одлична екипа за новата сезона, -порача Јовиќ.