Јевтоски: Полни сме со самодоверба, од нас зависи дали ќе ја победиме Академија Пандев

Новото коло во првата македонска фудбалска лига ќе биде отворено утре со дуелот меѓу Работнички и Академија Пандев во Скопје.

Тоа е дуел на две екипи кои веќе се сретнаа во овој „втор дел“ од шампионатот, а истиот им припадна „романтичарите“ со 1-0 со голот на Стојкоски. Потоа Работнички забележа уште еден триумф и двапати ремизираше, па во добра атмосфера ќе ја пречека екипата од Струмица.

-Работнички има сосема нов лик оваа пролет. Играме квалитетно, офанзивно, сакаме да постигнеме гол повеќе од противникот. Во исто време, сакаме да наметнеме доминација на средината на теренот, а кога се браниме, тоа да биде цврсто и бескомпромисно. И на досегашните натпревари тоа функционираше многу добро.

-Верувам дека и утре ќе се претставиме во такво издание и ќе победиме ако ги исполниме поставените задачи од шефот Александар Влахо. Полни сме самодоверба и мислам дека од нашето издание дали ќе го победиме тимот на Академија Пандев. Секако, за нив максимален респект, тоа е одличен тим со неколку квалитетни индивидуалци, -истакна  Стефан Јевтоски.