Хироу влезе во историјата и му донесе триумф на Мајами

Кошаркарите на Мајами се многу блиску да изборат финале во НБА лигата откако победија и во четвртиот натпревар против Бостон.

Клубот од Флорида славеше со 112:109 и стигна до предност од 3:1 во финалната серија на Истокот.

Натпреварот го обележа младиот Тајлер Хироу кој запиша 37 поени и влезе во историјата на НБА лигата.

Хироу има постигнато повеќе кошеви од било кое друго руки во плеј-оф фазата.

Освен тоа, 20 годишниот кошаркар е втор кошаркар на негова возраст со најголем број поени на натпревар по Меџик Џонсон кој во 1980 година постигна 42 поени.

Освен Хироу, кај Мајами најефикасен беше Џими Батлер со 24 поени, додека на спротивната страна Џејсон Тејтум запиша 28 поени.