Ѓорѓевиќ ќе „удри“ на својата Србија, Јанис и компанија на мегдан со САД (ФОТО)

Ова е година во која се игра Светското кошаркарско првенство и тоа во Индонезија, Јапонија и Филипини, настан за кој денеска беа одредени групите преку ждрепка.

Овој шампионат се игра од 25 август до 10 септември, а веќе во првата фаза ќе видиме интересни дуели. Супер интересно треба да биде во групата Е во која ќе играат Германија, Финска, Австралија и Јапонија, група во која сите селекции имаат по некој НБА играч.

Во „друштвото“ Б пак ќе биде занимливо затоа што легендарниот Александар Саша Ѓорѓевиќ со Кина ќе „удри“ на неговата Србија, селекцијата која ја водеше до пред некое време. Тука се уште Јужен Судан и Порторико.

САД пак за ривали ги има Грција-селекција која го има Јанис Адетокумбо и неговите браќа, останатите екипи се Јордан и Нов Зеланд.
Бранител на трофејот е Шпанија која за почеток има соочувања со Брегот на Слоновата Коска, Иран и Бразил.

32 nations. Only 1 can be crowned champs 🏆

Are you ready world? 🔥#FIBAWC x #WinForAll pic.twitter.com/qLHHwHhVRI

— FIBA Basketball World Cup 2023 🏆 (@FIBAWC) April 29, 2023