„Езерски трансфер“: Кочоски ја замени Струга со Воска

Воска Спорт ја забележа првата победа во Првата македонска фудбалска лига, а неколку дена по триумфот над Вардар, клубот од Охрид се пофали со ново квалитетно засилување за сезоната која веќе започна.

Валентин Кочоски настапуваше за Струга Трим и Лум и ги бранеше боите на македонскиот првак, но откако стана слободен агент и остана без договор, реши да премине во ривалот крај езерото.

Играчот за врска беше дел од тимот на Струга кој настапуваше и на досегашните натпревари во Европа, меѓутоа кариерата сега ќе ја продолжи во Охрид и ќе ги браните боите на Воска.

Кочоски има 26 години и важи за искусен фудбалер на средината на теренот, па затоа е најавен и како големо засилување за новајлијата во елитното друштво.

Воска има три освоени бода по три одиграни кола во Првата лига, бидејќи пред победата над Вардар забележа два порази.