Димитријевиќ прв асистент, Хувентуд по драма до прва победа во Валенсија

Кошаркарите на Хувентуд дојдоа до првата победа на завршниот турнир во АЦБ лигата и тоа во против составот на Билбао кого го добија по 45 минути игра со 86-79.

Регуларниот дел заврши без победник 73-73, па мораше да се игра продолжение во кое избраниците на Дуран подобро се снајдоа и со 13-6 се израдуваа на првиот триумф во Валенсија. Прво име кај Хувентуд беше Препелиќ со 21 поен на кој додаде 2 скока и 5 асистенции, додека пак нашиот Ненад Димтријевиќ имаше учинок од 11 кошеви, 2 скокови, 7 асистенциии (најдобар на средбата во оваа категорија), но и пет загубени топки.

Русел со 18 кошеви ја предводеше листата на стрелци кај Билбао. Во следната рунда Хувентуд ќе се соочи со Уникаха.