Димитријевиќ одличен во дербито со Зенит (ВИДЕО)

Македонскиот репрезентативец, Ненад Димитријевиќ се прикажа во одлично светло во дерби пресметката со Зенит во ВТБ лигата.

Плејмејкерот беше најдобар поединец во редовите на Уникс Казањ со 24 поени, 5 скокови, 9 асистенции и 1 украдена топка, меѓутоа и покрај овој учинок победата заврши кај домаќините со 91:87.

Кошаркарите на Зенит беа подобри во првата и последната четвртина со по три поени, додека пак Уникс своите периоди ги доби со по еден разлика.

Ертел со 23 кошеви, 3 скока и 4 асистенции беше прво име кај победникот.

Уникс во последното коло од оваа фаза ќе се соочи со ЦСКА Москва.