Чистка во Берлин по тешкиот пораз од Вердер: Херта ги отпушти тренерот и директорот

Германскиот прволигаш Херта очекуваше доста од оваа натпреварувачка сезона, но резултатите се далеку од посакувани, па раководството на клубот се одлучи да драстичен потег по вчерашниот пораз од Вердер Бремен од 4-1.

Бундеслигашот од Берлин се одлучи да му врачи отказ на тренерот Бруно Лападија, но и спортскиот директор Михаел Прец кој скоро 25 години е дел од клубот, прво како играч, потоа и како дел од менаџментот.

Во Херта се надеваат дека овие промени ќе донесат позитивен резултат, нова енергија и секако исполнување на зацртаните цели во иднина.

Составот од германската престолнина се наоѓа на 14 место со 17 освени бодови по 18 кола.