Баерн ладнокрвно одбил и втора понуда на Барселона за Левандовски

Роберт Левандовски јасно навести дека не сака веќе да настапува за Баерн Минхен и преферира трансфер во Барселона, но барем засега нема напредок во обидот да биде исполнета неговата желба.

Германскиот шампион не попушта и останува на цврстиот став дека Левандовски има уште една година од договорот и треба да се појави на подготовките за новата сезона, истовремено одбивајќи ги понудите на Барса.

Денеска била одбиена и втора понуда, со која Баерн бил заработил 35 милиони евра плус 5 милиони евра како евентуален бонус, нешто што не ги исполнува очекувањата на Баварците.

Тие пак инсистираат на најмалку 50 милиони за правата на Левандовски и барем засега ладнокрвно тактизираат во ситуација кога полскиот репрезентативец е очаен за трансфер.

Во Барселона очекуваа изјавите и притисокот на Левандовски да помогнат во побрзо реализирање на трансферот, но очигледно дека наидоа на специфичен „отпор“ од раководството на бундеслигашот кое спокојно чека потешка понуда.