Атлетико го добил потписот на досегашен фудбалер на Борусија

Диего Симеоне почнува со реализација на дел од посакуваните летни трансфери, а деновиве се очекува промоција на искусен играч за врска.

Се работи за досегашниот фудбалер на Борусија Дортмунд, Аксел Вицел, кој доаѓа како слободен агент и без отштета ќе ги засили редовите на шпанскиот клуб.

Атлетико веќе има договор и дефинитивна потврда од агентите на Вицел за официјализирање на соработката, со што Белгиецот ќе го засили средниот ред во новата, долга сезона за избраниците на Чоло.

Вицел како нов играч ќе ги започне подготовките уште од нивниот прв ден, а тоа 10. јули, по што ќе почне и со адаптацијата на идеите на својот нов тренер.

За Белгиецот сериозно заинтересиран беше и Олимпик Марсеј, но Французите на крајот извисија во дуелот со Атлетико.