Алкарас освои чудесен поен, реакцијата на Мекинро од трибината е најоригинална (Видео)

Карлос Алкарас игра во страшна форма откако го пропушти воведот на сезоната и го прескокна Австралија Опен, па по освоената титула во Индијан Велс, сега го напаѓа трофејот и во Мајами.

Младиот шпански тенисер мина уште една препрека и се најде во полуфиналето на Мастеросто од серијата 1000, откако без проблеми најде решение за разиграниот Тејлор Фриц.

Алкарас победи со 6:4 и 6:2 и понуди серија на извонредни потези на теренот, од кои посебно се издвојува моментот кога беше под притисок и бранеше брејк топка во првиот сет.

Шпанецот одигра чудесен поен и успеа да го егзекутира онака како што замислуваше, па со тоа успеа да го воодушеви и Џон Мекинро кој го следеше четвртфиналето на трибините.

Реакцијата на Џон беше најоригинална, бидејќи нивото на тенис кое го прикажува Алкарас е навистина многу високо, особено ако се знае дека има само 19 години. Алкарас во полуфиналето ќе игра со Јаник Синер, а другото полуфинале го сочинуваат Медведев и Хачанов.

Carlos Alcaraz under pressure is a different breed 🥵@carlosalcaraz #MiamiOpen pic.twitter.com/La8lfKcMEY

— Tennis TV (@TennisTV) March 30, 2023