Вилијамс брутално го „залепи“ Адетокумбо, Бостон го понижи лидерот Милвоки (Видео)

Во дуелот на најдобрите два тима на Истокот, големите НБА фанови рано утрово очекуваа вистински спектакл во „Фисерв Форум“ центарот, но наместо тоа, гледавме крајно едносмерен меч и доминација на гостинот со која се испишува историја.

Бостон беше неверојатно расположен на гостуваењто кај Милвоки и комплетно ги понижи „елените“, кои иако остануваат лидери на табелата, сега демонстрираа немоќ која може да биде загрижувачка за најважниот дел од сезоната кој следи.

Селтикси имаа меч за паметење и победија со неверојатни 99:140, со што само потврдија дека годинава се едни од главните фаворити за осовјување на шампионскиот прстен во НБА лигата.

Џејсон Тејтум и Џејлен Браун беа несопирливи со вкупно 70 поени (40 и 30), но до израз дојде и цела колективна игра на гостите, кои успеаја да го неутрализираат Јанис Адетокумбо.

Гркот имаше ноќ која ќе сака што побрзо да ја заборави, не само поради резултатот, туку и поради бруталната „банана“ која ја испи од Роб Вилијамс.

Giannis thought he had a wide-open dunk and Rob just noped him pic.twitter.com/TG2n8gpJqL

— Taylor Snow (@taylorcsnow) March 31, 2023