Веќе се во Скопје: Адеми и Ристовски и се приклучија на репрезентацијата (ВИДЕО)

Аријан Адеми и Стефан Ристовски вчера имаа настап со Динамо Загреб во првата хрватска лига, меч против Ријека кој актуелниот шампион го доби токму со погодокот на капитенот на нашата репрезентација.

По тој меч, односно по се што се случуваше пред и после истиот со оглед на тоа што беше последен за Адеми во дресот на „модрите“ (се сели во Кина) дуото се упати кон Скопје и му се приклучи на националниот тим во хотелот Хилтон каде беа пречекани од првиот човек на ФФМ, Муамед Сејдини, потоа селекторот Благоја Милевски и спортскиот директор на репрезентацијата, Дени Масев.

Да потсетиме Македонија ја очекува пресметка со Малта (23 март) во квалификациите за ЕП, а потоа на 27 играме и пријателска средба со Фарски Острови.