Англија
ВАР циркус од невидени размери: Дефанзивецот на Барнли играше ракомет, Арсенал не доби пенал (Видео)
Арсенал на неверојатен начин успеа да загуби два бода на гостувањето кај Барнли, натпревар на кој само ужасната грешка на Гранит Џака пред крајот на првиот дел беше само загревање за тоа што следеше во продолжение.
Гостите од Лондон поведоа преку Обамејанг, Џака му подари израмнување на Вуд пред крајот на првиот дел, но она што се случи во последните 15 минути од средбата е за неверување.
Во 75-та минута, Николас Пепе во еден продор беше спречен со евидентно играње со рака од страна на Питерс, но по некое чудо, ВАР системот воопшто не се вклучи и не му беше досуден чист пенал на Арсенал. Главниот судија Маринер не ја виде оваа ситуација и не доби сигнализација од ВАР собата, нешто што беше случај 9 минути подоцна.
Маринер најпрво му покажа црвен картон на Питерс кој одново беше во сомнителна ситуација, но наместо пенал за Арсенал, цела одлука беше повлечена откако од ВАР му порачаа дека дефанзивецот на Барнли ја избил топката со рамо, а не со рака. Во дадената ситуација беше донесена точна одлука, но не и 9 минути претходно кога Питерс евиденто играше со рака.
Пред да се случи ова, Пепе кој беше вистински трагичар промаши и колосална шанса во 81-та минута, а за да биде ситуацијата уште покатастрофална за фановите на Арсенал, Обамејанг и Себалјос не реализираа зицери во последните акции во 93-та и 94-та минута. Овој вториот го погоди дирекот, по што Маринер означи крај на лудиот меч кој ги фрли во очај фановите на Арсенал.
-
НБАпред 20 часа
Денвер повторно ги преслуша Лејкерс, Ембид броеше до 50 во триумфот на Филаделфија
-
Шпанијапред 16 часа
„Мундо Депортиво“ објави ново видео и заклучи: Барселона е оштетена за чист гол (Видео)
-
Формула 1пред 17 часа
Голем удар за Ред Бул: Адријан Њуи најавил дека планира нов предизвик
-
Шпанијапред 13 часа
Промена во последен момент: Белингам во составот, друга ѕвезда на Реал отпадна за дуелот со Сосиедад
-
Англијапред 21 час
Гвардиола не се согласува со Клоп и Ван Дајк и одговори со различен став
-
Македонијапред 20 часа
Анализа по првиот настап: Можеме и подобро, свежа мотивација за Золдер!
-
Италијапред 20 часа
Јувентус договорил нов голман, наследникот на Шчесни ќе биде Италијанец
-
Англијапред 17 часа
Кулушевски доби најдобар можен роденденски подарок (Фото)