Тодоров избра 12 играчи откако сите беа негативни на Ковид тестирањето

Здравствената комисија при кошаркарската Федерација на Македонија денеска излезе со добра вест за нашата селекција, потврдувајќи дека сите тестови кои биле направени над играчите и луѓето од стручниот штаб се негативни.

Ковид тестовите беа задолжителни за сите членови и одлична вест е што нема ниту еден позитивен тест, па селекторот Александар Тодоров можеше комотно да ги бира играчите со кои ќе ги започне тренинзите и кои ќе бидат дел од квалификацискиот турнир во Талин.

Откако претходно откажаа Ѓуроски и Николовски, денеска недостапни станаа и Андреј Андоновски поради повреда и Јетмир Зекири поради лични причини, па Тодоров се одлучи за следните 12 кои вечерва ќе треба да се појават на првиот тренинг.

Љубомир Младеновски (Работнички)

Виктор Ефремоски (Работнички)

Дамјан Стојановски (МЗТ Скопје Аеродром)

Андреј Магдевски (МЗТ Скопје Аеродром)

Филип Бакоч (МЗТ Скопје Аеродром)

Кристијан Николов (МЗТ Скопје Аеродром)

Марко Симоновски (Кожув)

Андреј Митревски (ТФТ)

Дамјан Робев (Куманово)

Бојан Трајковски (Пелистер)

Лука Савиќевиќ (МЗТ Скопје Уни Банка)

Леонид Тодоровски (МЗТ Скопје Уни Банка)