ТФТ доживеа уште еден пораз во АБА2 лигата

Екипата на ТФТ Скопје загуби уште еден натпревар во АБА2 лигата и тоа против искусната Крка која славеше со 93-83.

Скопскиот тим се бореше и се обидуваше да се носи со Крка која важи за еден од претендентите за влез во најсилната јадранска конкуренција, но лошата игра во втората четвртина си го направи своето (25-10) или поточно тоа беше пресудно за четвртиот пораз во ова натпреварување.

Андерсон со 20 поени беше најсветла точка во македонскиот прволигаш, додека пак Крка имаше дури шест двоцифрени играчи од кои во прв план беа Шпан и Вучиќ со по 13 кошеви.

Нова шанса за победа избраниците на Смилковски ќе побараат против Слога.