Поврзете се со нас

АТП

Тенисот е во сигурни раце: Неверојатниот поен на Синер и Алкарас ги воодушеви фановите (Видео)

Објавено

на

Јаник Синер му се реваншираше на Карлос Алкарас и му зададе двоен удар во Мајами, бидејќи го остави без финале, но и без првото место на АТП листата.

Италијанецот и Шпанецот ја имаа шестата меѓусебна пресметка и веќе во претходните дуели најавија дека гледаме дуели кои во иднина ќе бидат вистински спектакл за тениските фанови, бидејќи очекувањата се тие да доминираат во светскиот тенис по ерата на Федерер, Надал и Ѓоковиќ.

Двајцата го покажаа тоа во повеќе наврати, а поенот кој го режираа на утринското полуфинале во Мајами е само доказ за потенцијалот кој го поседуваат двајцата.

Алкарас ја доби претходната битка на Индијан Велс кога стигна до титулата, но Синер утрово беше подобар со пресврт и победи благодарение на поени како овој во продолжение.

Италијанецот славеше со 2:1 и израмни на 3:3 во меѓусебните пресметки, но и покрај ривалството кое расте, двајцата покажуваат дека навистина се почитуваат. Алкарас му посака среќа на Синер за финалето и му порача дека ќе навива за него против Медведев.

Реклама
Реклама
Реклама

Популарни