Тен Хаг знае што го очекува: Има многу работа во Јунајтед

Ерик Тен Хаг по пет години си заминува од Ајакс и се сели во Премиер лигата каде ќе го предводи подзаспаниот англиски џин Манчестер Јунајтед.

Јунајтед никако не успева да се стабилизира по заминувањето на славниот сер Алекс Фергусон, па сега можност тоа да го ќе направи ќе има Тен Хаг. Холанѓанецот е свесен дека го очекува голем предизвик, задача, ама максимално ќе се посвети и ангажира за да „црвените ѓаволи“ повторно бидат тим каков што заслужуваат што реномето и традиијата.

-Има многу да се направи таму (во Јунајтед). Во секој клуб има работа, но работата на менаџерот е да биде особено фокусиран на подготовките за следната сезона. Има многу работа во таа смисла. Што се однесува до тренерот, треба да се организираат неколку работи. Што се однесува до тимот, од понеделник многу интензивно се фокусирам на него, -порача Ерик кој на Ајакс му донесе три лигашки и два Куп трофеи.