Репрезентација
Тажна вест од Романија: Почина тренерот кој остави траен белег во македонскиот ракомет
Угледните романски медиуми денеска со голема тага ја соопштија веста за смртта на Богдан Маковеј, а истата за жал ја потврди и ракометната Федерација на оваа земја.
Маковеј е ракометна легенда на Романија и таму се стекна со епитетот „Професор“ поради своите искрени совети, беспоштедна работа и посветеност кон оваа игра, но и поради фактот што израсна безброј генерации ракометари и ракометарки на кои им беше тренер, учител и добар пријател. Со вакви зборови Маковеј беше опишан од страна на реномираниот „Диги Спорт“, кој во својата објава за жалната вест го потенцираше и неговиот ракометен чин во Македонија.
Романецот беше тренер на женската македонска репрезентација и тој остави силен и траен белег во нашиот најпопуларен спорт, бидејќи ќе остане запаметен како селекторот кој го имаше најголемиот успех на македонскиот женски ракомет.
Маковеј ја водеше Македонија до седмото место на Светското првенство во Германија во 1997-ма година, а напоредно со селекторската функција, како тренер на Кометал Ѓорче Петров играше и во четвртфиналето во Лигата на шампионите.Фантастичниот ракометен работник го напушта овој свет на 67-годишна возраст, а од почит кон семејството, медиумите од Романија не ги открија причините за смртта.
– Нашиот ракометен свет е длабоко тажен од неговата смрт, бидејќи изгубивме ментор и пријател, вистински професионалец. Збогум, професоре! , гласи објавата на Федерацијата на Романија.
-
НБАпред 23 часа
Денвер повторно ги преслуша Лејкерс, Ембид броеше до 50 во триумфот на Филаделфија
-
Шпанијапред 18 часа
„Мундо Депортиво“ објави ново видео и заклучи: Барселона е оштетена за чист гол (Видео)
-
Формула 1пред 19 часа
Голем удар за Ред Бул: Адријан Њуи најавил дека планира нов предизвик
-
Шпанијапред 16 часа
Промена во последен момент: Белингам во составот, друга ѕвезда на Реал отпадна за дуелот со Сосиедад
-
Македонијапред 22 часа
Анализа по првиот настап: Можеме и подобро, свежа мотивација за Золдер!
-
Италијапред 22 часа
Јувентус договорил нов голман, наследникот на Шчесни ќе биде Италијанец
-
Англијапред 23 часа
Гвардиола не се согласува со Клоп и Ван Дајк и одговори со различен став
-
Англијапред 20 часа
Кулушевски доби најдобар можен роденденски подарок (Фото)