Соиграч на Лазаров ја избра српската пред француската репрезентација

Ракометарот на Нант, Драган Пешмалбек донел решение во иднина наместо за француската, да настапува за српската репрезентација.

25-годишниот пикер има српско потекло по својата мајка која е родена во Србија, а последен пат го носел дресот на француската репрезентација во 2018 година.

Пешмалбек ги информирал селекторот Жил и раководството на Француската федерација за својата одлука, а Србите добија уште едно засилување откако претходно добија ист вид потврда и од ракометарот на Тулуз, Урош Борзош.

– Минатите недели многу размислував на оваа тема, не беше лесно да се донесе конечната одлука, но на крајот ја избрав Србија и горд сум што ќе настапувам за земјата на мојата мајка Снежана.

– Мојата мајка исто така била ракометарка, живеела во Ваљево, а животниот пат ја довел во Франција. Го учам српскиот јазик, граматиката ќе ми биде мал проблем, но најважно е што ќе разбирам што ќе зборуваат другите, – изјавил Пешмалбек.