Силва за преселбата на Кансело во Баерн: Тажно е за мене и за тимот, но…

Јануарскиот преоден рок донесе и некои изненадувачки, неочекувани трансфери како што беше оној на Жоао Кансело во редовите на Баерн Минхен.

Португалскиот репрезентативец кој во изминативе години беше еден од најстандардните во Манчестер Сити се реши да го напушти „Итихад“ и заврши на „Алијанц Арена“. Кансело не беше задоволен од минутажата која ја имаше по Светското првенство и ја искористи можност да се пресели во Баерн до крајот на кампањата по која бундеслигашот ќе има право да го откупи неговиот договор.

Бернардо Силва многу добро го познава Кансело затоа што долго време настапува со него на клупско и репрезентативно ниво, па дефинитивно жали за неговото заминување, но во исто време е среќен ако таа одлука е онаа која неговиот соанродник го прави да биде среќен.

-Среќен за него, затоа што тоа беше патот што тој избра да продолжи среќно во животот. Тажно е за тимот и за мене, затоа што нема да можам да сметам на него секој ден. Тој знае дека е личност што многу ја сакам. Ама донесе најдобра одлука за него и јас сум навистина среќен за него, -порача Бернардо.