Шкупи се пожали по дерби поразот: Тргнете ги валканите раце од нашиот клуб (Фото)

Шкупи загуби од Струга на денешното големо дерби кое се одигра во Првата македонска фудбалска лига, по што стана јасно дека лидерот на табелата ја зголеми предноста пред третиот и одлучувачки дел од сезоната.

Струга Трим и Лум успеа да победи со 2:1 и отиде на плус четири на првенствената табела, но додека во домашниот табор слават, клубот од Чаир излезе со жестоко соопштение.

Од Шкупи најверојатно сметаат дека биле оштетени и на денешното дерби на кое беа покажани дури три пенали, од кои два за домашниот тим на Струга.

– За сите што му посакувате лошо на клубот, тргнете ги валканите раце од ФК ШКУПИ!

– Немилосрдните одлуки против нашиот клуб ќе бидат објавени наскоро со видео анализа и изјава, – гласи кратката најава на Шкупи.