Шкупи ја промени бојата на дресовите поради жртвите од катастрофалниот земјотрес (Фото)

Шкупи ќе се бори за титулата во вториот дел од сезоната во Првата македонска фудбалска лига и сигурно ќе изврши сериозен притисок во Струга, бидејќи целта во Чаир дефинитивно е да се одбрани освоениот трофеј од минатата сезона.

„Сините“ од Скопје ќе имаат нависитна друг изглед во пролетниот дел од сезоната, односно ќе играат во ново руво поради катастрофата која се случиво Турција и Сирија пред девет дена.

Македонскиот првак ја информираше јавноста дека ги менува дресовите и ќе игра со темна боја до крајот на сезоната, со јасна цел да се оддаде почит на жртвите кои ги загубија животите во рушевините.

– Во знак на почит кон сите настрадани од земјотресот во Турција и Сирија, клубот одлучи до крајот на сезоната да ги игра натпреварите со црни дресови.