Селтикси веруваат во чудо: Бостон врза втора победа против Мајами (Видео)

Бостон Селтикс победија на петтиот натпревар во серијата со Мајами и врзаа втор триумф во низа во оваа финалната серија на Истокот, прва на домашен терен во „Ти-Ди Гарден“.

Тимот кој сите го отпишаа по предноста од 3:0 за „жешките“ очигледно го нема кажано завршниот збор, па со втората победа во низа продолжи да верува во чудото кое го нема режирано ниту еден тим во НБА историјата.

Имено, дури во 150 наврати еден тим имал предност од 3:0 во една серија, а истата ниту еднаш не била испуштена и во следната фаза завршувал тимот кој имал убедлива позитива.

Бостон намали на 3:1 на последното гостување кое го имаше во Мајами и тогаш многумина мислеа дека тоа беше само избегнување на „метла“, но Селтикси беа агресивни и извонредни и рано утрово и на домашен терен дојдоа до 3:2.

Навивачите во „Ти-Ди Гарден“ се израдуваа на победа од 110:97, а клучен фактор за тоа беше добрата тимска игра во која дури четири играчи постигнаа над 20 поени. Вајт уфрли 24, Смарт 23, Браун 21 и Тејтум исто така 21.