Сараево прогласен за шампион на БиХ, Велкоски ја испрати првата порака

Екипата на Сараево е старо-нов шампион на Босна и Херцеговина и тоа официјално беше потврдено денеска од страна на одговорните тела во фудбалската федерација.

Босанците се одлучија да прогласат крај затоа што нема услови за продолжување на сезоната, а со оглед на тоа што Сараево беше прв на табелата пред прекинот поради пандемијата со коронавирусот беше прогласен за првак.

Секако оваа одлука со големо задоволство ја прифатија во бордо тимот, а свој краток коментар за одлуката даде и нашиот Крсте Велкоски.

-Титула по титула. Упс повторно тоа го направивме, -порача македонскиот интернационалец на социјалните мрежи.

Освен Сараево во европски купови одат и екипите на Железничар, Зрински и Борац.