Салах со емотивна порака го поздрави Мане: Ти благодарам за добрите моменти (Фото)

Еден од најдобрите светски фудбалери, Мохамед Салах ги искористи социјалните мрежи да го поздрави сега веќе неговиот поранешен соиграч, Садио Мане.

Сенегалецот  во текот на денешниот ден го реализираше трансферот во редовите на Баерн Минхен, клуб со кој потпиша договор до 2025 година.

Токму Салах и Мане беа едни од најпрепознатливите напаѓачки тандеми во модерниот фудбал, па египетскиот фудбалер сега искористи прилика да се прости од Мане кој од следната сезона ќе има нов клуб.

– Ова беше и тоа каква авантура. Ти благодарам за добрите моменти и ти посакувам се најдобро во новата авантура. Ќе ни недостасуваш на сите нас, -напиша Салах на својот Твитер профил.

Садио Мане по трансферот во Баерн Минхен истакна дека уште од самиот почеток тој инсистирал истиот да се случи затоа што верувал дека може да успее во германскиот гигант.

It’s been quite a ride! Thank you for all the good times and I wish you all the best in your new adventure! You will be missed by all of us. pic.twitter.com/zndPry1mfg

— Mohamed Salah (@MoSalah) June 22, 2022