Роналдо ја „прецрта“ Македонија во битката за Светското првенство: Ќе ни биде тешко

Фудбалерот на Манчестер Јунајтед и капитен на репрезентацијата на Португалија се надева дека на крајот тој со неговата селекција ќе учествува на Светското првенство во Катар.

Португалците ќе мора преку бараж средбите да се борат за место на Мундијалот, а за да го сторат тоа прво ќе треба да ја победат селекцијата на Турција, па во финалниот натпревар да бидат подобри од победникот од вториот полуфинален пар, Италија- Македонија.

Роналдо, свесно или не, во својата последна изјава ја елиминираше Македонија како можен ривал за Португалија во финалето од овој бараж.

– И натаму цврсто верувам дека ќе играме на Светското првенство. Не чекаат тешки натпревари. Прво Турција, па ако победиме- Италија. Ќе видиме…

– Во март ќе бидеме подготвени, тоа ќе биде голема битка и ќе биде добро за сите љубители на фудбалот. Не постои совршено сценарио, мора да се соочиме со работите такви какви што се, -заклучи Роналдо.