Рио тврди: Бруно не можеше да се конектира со Роналдо, сега добро гледаме…

Рио Фердинанд беше против заминувањето на Кристијано Роналдо од Манчестер Јунајтед, но кога ситуацијата стана неподнослива, и самиот посочи дека најдобро ќе биде да дојде до разделба и прекин на меѓусебната соработка.

Легендарниот Рио беше еден од оние кои најцврсто и најпријателски го бранеа Португалецот од сите напади кои ги добиваше од стартот на сезоната, но исто така е реален и објективен во правењето анализа за актуелниот тим во кој повеќе го нема Кристијано.

Фердинанд смета дека има неколку играчи кои профитирале од заминувањето на Роналдо, а посебен акцент стави на Бруно Фернандеш кој според него не можел да се поврзе со својот сонародник.

– Постојат играчи чија игра никако не може да се поврзе, а така беше со Кристијано и Бруно. Бруно едноставно не можеше да се конектира со Роналдо. Тој е далеку подобар кога Роналдо не е во тимот.

– Сметам дека тоа е така бидејќи Бруно сака да биде играчот низ кој ќе минува топката, а по пристигнувањето на Роналдо, сите гледаа како топката да стигне до него. Сега го гледаме најдоброто од Бруно и тоа се случува откако си замина Роналдо. Сега играта ја Јунајтед многу повеќе се темели врз него и сите го гледаме тоа, – вели Фердинанд.