Реал Мадрид потврди нова повреда на својот најмалерозен фудбалер

Реал Мадрид влегува во важен период од сезоната во кој ќе се бори со квалитетни ривали на повеќе фронтови, а тренерот Карло Анчелоти денеска добил негативна информација од лекарскиот тим.

Потврдено е дека Ферлан Менди се пожалил на повреда за време на тренинг и сега му следи нова пауза.

Левиот бек на Реал ќе биде постојано мониториран од лекарскиот тим, но медиумите најавуваат дека нема да биде во комбинација околу еден месец.

Менди ќе ги пропушти дуелите против Барселона во купот и Челси во Лигата на шампионите, како и уште неколку натпревари од домашното првенство.

Французинот сезонава најчесто е повреден, па пропушти осум од последните девет натпревари на Реал во Ла Лига.

Parte médico de Mendy.#RealMadrid

— Real Madrid C.F. (@realmadrid) March 31, 2023