ПСЖ со жесток одговор на нападите на Тебас

Претседателот на Ла Лига, Хавиер Тебас, постојано упатува критики за начинот на кој функционира ПСЖ, нарекувајќ го „државен клуб“ и идентично зло за фудбалот како Супер лигата.

Раководството на ПСЖ реши да реагира и јавно одговори на изјавите на Тебас.

– Од време на време си дозволувате јавно да ја критикувата француската лига, како и клубовите и фудбалерите, постојано изнесувајќи инсинуации според кои не ги почитуваме финансиските регулативи.

– Веќе сите знаат дека шпанските клубови се во големи долгови, а вината за тоа делумно е и во одговорните за лигата, додека истовремено примавте и помош од државата.

– Ви предлагаме да се фокусирате на вашите домашни проблеми, посебно што Реал Мадрид и Барселона се обидуваат да ја растурат вашата лига и европскиот фудбал воопшто, – стои во соопштението потпишано од генералниот секретар на ПСЖ, Викторијано Мелеро.