ПСЖ отвори со промашен пенал, па ја наполни мрежата на Монпелје

Актуелниот француски шампион ПСЖ без големи проблеми ги прокнижи и бодовите од дуелот со Монпелје, славејќи на домашен терен со убедливи 5:2.

Мбапе го отвори натпреварот со нереализиран пенал, но набргу тоа немаше големо значење, бидејќи автоголот на Сако и пеналот на Нејмар донесоа водство од 2:0 на полувреме за домаќините.

Вториот дел беше рутина, Нејмар и Мбапе погодија по еднаш, а во листата на стрелци се запиша и засилувањето Ренато Санчез.

Казри и Чато реализираа по еднаш за да ја спасат честа на Монпелје, кој заминува од Париз со пет погодока во мрежата.

🔚 C’est terminé ! Les Parisiens décrochent les 3 points pour leur première apparition de la saison au Parc des Princes ! ❤️💙 #PSGMHSC I 5-2 pic.twitter.com/W62S0cJLWx

— Paris Saint-Germain (@PSG_inside) August 13, 2022