Шпанија
Првиот човек на Ла Лига испрати провокација до Зидан, Французинот возврати: Јас само кажав факт од кој не се бега!
Хавиер Тебас ова попладне беше доста дрзок и го прозва Зинедин Зидан во пресрет на одигрувањето на полуфиналните натпревари во шпанскиот Суперкуп, нагласувајќи дека тренерот на Реал Мадрид се жалел за условите во Памплона само поради тоа што неговиот тим не оствари очекувана победа.
Францускиот стручњак се пожали за цела планификација и цела логистика од страна на Ла Лига, започнувајќи со ризичниот лет од Мадрид до Памплона кој траеше цели четири часа, па се до лошите услови за игра каде добар дел од теренот на „Ел Садар“ беше и замрзнат во саботата вечерта. Реал Мадрид одигра само 0:0 против Осасуна и Зидан се пожали дека тоа не било фудаблски натпревар, по што денеска беше јавно прозван од страна на првиот човек на Ла Лига.
– Не знам какви информации добил Зидан, но јас веќе сум видел изјави како онаа неговата. Сум видел безброј тренери како пронаоѓаат изговори кога не им оди добро на натпреварите, а изјавата на Зидан само се надополнува во оваа долга листа која никогаш нема да има крај. Ќе разговарам со Флорентино Перез, не сум задоволен од бурата која се предизвика околу натпреварот со Осасуна, – изјави Хавиер Тебас.
Во пресрет на утрешниот полуфинален натпревар со Атлетик Билбао, Зинедин Зидан не можеше да избегне прашање на оваа тема, па сега Зизу беше доста мирно настроен и нагласи дека не сака да навлегува во дополнителни препукувања со одговорните лица.
– Нема потреба да му одговарам на Тебас. Тоа е веќе минато, тоа што се случи, се случи. Сега мислам на утрешниот натпревар против Билбао, тоа ме интересира мене и моите играчи. Пред неколку дена го кажав тоа што требаше да го кажам. Тоа не беше изговор, тоа беше факт од кој не можеше да се избега, – нагласи Зидан.
-
НБАпред 22 часа
Денвер повторно ги преслуша Лејкерс, Ембид броеше до 50 во триумфот на Филаделфија
-
Шпанијапред 18 часа
„Мундо Депортиво“ објави ново видео и заклучи: Барселона е оштетена за чист гол (Видео)
-
Формула 1пред 19 часа
Голем удар за Ред Бул: Адријан Њуи најавил дека планира нов предизвик
-
Шпанијапред 15 часа
Промена во последен момент: Белингам во составот, друга ѕвезда на Реал отпадна за дуелот со Сосиедад
-
Македонијапред 22 часа
Анализа по првиот настап: Можеме и подобро, свежа мотивација за Золдер!
-
Италијапред 22 часа
Јувентус договорил нов голман, наследникот на Шчесни ќе биде Италијанец
-
Англијапред 23 часа
Гвардиола не се согласува со Клоп и Ван Дајк и одговори со различен став
-
Англијапред 19 часа
Кулушевски доби најдобар можен роденденски подарок (Фото)