Промовирани новите дресови на македонската репрезентација (Фото)

Македонската фудбалска репрезентација во четврток ги започнува квалификациите за Европското првенство во 2024 година, а ФФМ денеска ги промовираше новите дресови со кои ќе настапуваат нашите најдобри фудбалери.

Традиционално, основната комбинација е црвено-жолта, а ФФМ и производителот „Јако“ се погрижиле за уште еден атрактивен дизајн, со кој нашите најдобри фудбалери ќе настапуваат во следниот период.

Македонија првпат ќе има и резервна комбинација дресови со црна бојда, додека во игра останува и белиот дрес, како уште една алтернатива.

Нашата репрезентација во четврток ги отвора квалификациите со натпревар против Малта на домашен терен.