Пелистер ќе го предизвика МЗТ во финалето на Купот

Пелистер ќе му биде противник на МЗТ Скопје во годинешното финале на завршниот турнир на македонскиот кошаркарски Куп, а битолчани изборија место во финалето со триумф над Еуро Никел (78:68).

Домаќинот на завршниот турнир имаше само три поени предност на полувреме, Еуро Никел беше рамноправен противник барем до последниот период, во кој Пелистер направи поосетлива разлика и истата ја претвори во победа.

За битолскиот тим ова е втор пласман во финалето на националниот Куп, а пред 15 години загубија од АМАК-СП во Охрид.

Планиниќ со 27 и Маслинко со 22 поени беа најдобри поединци во редовите на Пелистер, додека кај Еуро Никел се истакна Смит со 21 поен.

Финалето меѓу Пелистер и МЗТ Скопје ќе се игра утре од 18 часот.