Пандевци славеа над Черно Море, Шкендија одигра возбудливо реми со Зрињски

Екипите на Академија Пандев и Шкендија остварија позитивни резултати на денешните пријателски средби против Черно Море и Зрињски.

Пандевци дојдоа до прв триумф во подготовките и тоа против бугарскиот прволигаш кого го добија со 2-1 со головите на Шаркоски и Велиновски. Со ова нашиот прволигаш на најдобар можен начин одговори по катастрофата која ја доживеа против Балкани од Косово со 6-1.

Шкендија пак ремизираше 3-3 против Зрињски и тоа во дуел во кој трипати се враќаше по водството на противникот. Хасани, Мијатовиќ (автогол) и Садриу беа стрелци за „црвен-црните“ кои во досегашните подготовки ремизираа со Ференцварош и го победија Марибор.