Поврзете се со нас

Евролига

Олимпијакос го грабна последниот билет за завршниот турнир во Евролигата (ВИДЕО)

Објавено

на

Кошаркарите на Олимпијакос ја добија мајсторката против Монако (94:88) и дојдоа до последниот билет за завршниот турнир во Евролигата кој годинава ќе се одигра во Белград.

Грчкиот претставник по една голема борба успеа да ги добие избраниците на Обрадовиќ и тоа со пресврт во второто полувреме. Монако водеше со 48-41 по првото полувреме, имаше предност и по 30 минути од 70-66, но завршниот период мина во знакот на домаќините кои беа ефикасни во нападот (28-18) и дојдоа до резултат кој ги одведе до четирите најдобри тимови во сезонава, односно до фајналфорот каде ќе имаат можност да дојдат до титулата.

МекКисик даде 18 поени, Вокап имаше еден помалку, Дорси уфрли 16, а плејмејкерот Слукас 15 кошеви. Кај поразените залуден беше дабл-дабл учинокот на Џејмс од 24 поени и 10 асистенции.

Олимпијакос во полуфиналето ќе се соочи со Анадолу Ефес, другата битка е Барселона-Реал Мадрид.

Реклама
Реклама
Реклама

Популарни